பலருடன் காதல் விவகாரங்கள்

28.5.2015

கேள்வி: ஐயா, திருமணமாகிவிட்டாலும், பலருடன் காதல் விவகாரங்கள் வேண்டும் என்ற ஆசை எனக்கு இருக்கிறது. இந்த ஆசை ஏன் வருகிறது?

பதில்: உங்களுக்கு அனைத்து ஊட்டச்சத்துக்களும் ஆறு சுவைகளும் அடங்கிய ஒரூ வகையான உணவு வழங்கப்படுகிறது என்று வைத்துக்கொள்வோம். நீங்களும் அதை அனுபவித்து உண்கிறீர்கள். உங்கள் வாழ்க்கையின் இறுதி வரை தினமும் மூன்று வேளையும் அதே மாதிரியான உணவை உங்களுக்கு வழங்கினால், நீங்கள் அதை அனுபவித்து உண்பீர்களா? இல்லை என்றால். ஏன்?

உங்களுக்கு ஒரு அழகான உடை வழங்கப்படுவதாக வைத்துக்கொள்வோம். நீங்களும் அதை விரும்புகிறீர்கள். உங்கள் வாழ்நாள் முழுவதும் அதே மாதிரியான உடை உங்களுக்கு வழங்கப்பட்டால், நீங்கள் அதை விரும்புகிறீர்களா? இல்லை என்றால். ஏன்?

மகிழ்ச்சியான வாழ்க்கையை வாழ போதுமான சம்பளத்தை நீங்கள் பெறுகிறீர்கள் என்று வைத்துக்கொள்வோம். அப்படியிருந்தும், உங்களுக்கு வாய்ப்பு இருந்தால், நீங்கள் வேலையை மாற்றுவீர்கள் அல்லது பகுதிநேர வியாபாரம் செய்வீர்கள். ஏன்?

உங்களுக்கு வசதியான வீடு இருந்தாலும், வாய்ப்பு இருந்தால், நீங்கள் பல வீடுகளை வாங்குவீர்கள். ஏன்?

நீங்கள் இசையை ரசிக்கிறீர்கள் என்று வைத்துக்கொள்வோம். வேறொரு இசைக்குச் செல்லாமல் உங்கள் வாழ்க்கை முழுவதும் ஒரே இசையை ரசிக்க முடியுமா? முடியாது என்றால், ஏன்?

ஒரு குரு உங்களுக்கு முழுமையான அறிவைக் கொடுத்திருந்தாலும், மற்ற குருமார்கள் என்ன கற்பிக்கிறார்கள் என்பதை அறிய உங்களுக்கு விருப்பம் உள்ளது. ஏன்?

நீங்கள் ஒரே விஷயத்தில் திருப்தி அடைவதில்லை. எப்போதும் பல வகைகளை விரும்புகிறீர்கள் ... ஏன்?

அதேபோல், காதல் விவகாரங்களிலும் பல்வேறு வகைகளை விரும்புகிறீர்கள். அது இந்த எல்லாவற்றின் தொடர்ச்சியாகும். எனவே, அது ஒரு பொதுவான விஷயம்.

இப்போது கேள்வி என்னவென்றால், மனிதர்கள் ஏன் பல்வேறு வகைகளை விரும்புகிறார்கள்? இந்த கேள்விக்கான பதிலை நீங்கள் கண்டால், உங்கள் கேள்விக்கும் பதில் கிடைக்கும்.

இந்தக் கேள்வியைக் கேட்க உங்களுக்கு தைரியம் இருந்தது. ஆனால் பலருக்கு தைரியம் இல்லை. சிலர் அதை வெளிப்படுத்துவார்கள், சிலர் அடக்குவார்கள். ஆனால் இது கிட்டத்தட்ட எல்லா மனிதர்களுக்கும் பொதுவானது.

உங்கள் மனைவியும்/கணவரும் பலருடன் காதல் விவகாரங்களைக் கொண்டிருக்க விரும்புவதாக வைத்துக்கொள்வோம், அதை நிறைவேற்றிக்கொள்ள உங்கள் மனைவியை/கணவனை நீங்கள் அனுமதிப்பீர்களா? அனுமதிக்க மாட்டீர்கள் என்றால், உங்கள் விருப்பத்தை நீங்கள் கைவிட வேண்டும்.

குறிப்பு: இந்த விஷயங்கள் சரியானதா அல்லது தவறா என்பதைப் பற்றி நான் எதுவும் சொல்லவில்லை..😜

காலை வணக்கம் ... தைரியமாக இருங்கள்...💐

வெங்கடேஷ் - பெங்களூர்

(9342209728)

வெற்றி உண்டாகட்டும்